ប៉ោយប៉ែត
៖
តៃកុងរថយន្តប្រមឹកម្នាក់ស្រវឹងស្ពឹកមុខលែងដឹងខ្លួនទៅហើយនោះ
បានបើករថយន្តហោះទៅបុកជញ្ជាំងរបងផ្ទះអ្នកស្រុកបណ្ដាលឲ្យរងរបួស
ធ្ងន់ខ្លួនឯងតែម្ដងទៅ។
ក្នុង
ហេតុការណ៍គ្រោះថ្នាក់ចរាចរនេះ
គឺបានកើតឡើងនៅក្នុងម៉ោង៨នឹង៣០នាទីយប់ក្នុងថ្ងៃទី២៧
ខែមិថុនា ឆ្នាំ២០១៣ នៅចំណុចភូមិមិត្តភាព សង្កាត់ប៉ោយប៉ែត
ក្រុងប៉ោយប៉ែត ខេត្តបន្ទាយមានជ័យ
ខណៈដែលជនបង្កបានបើករថយន្តចេញពីទិសខាងកើតទៅលិចរួចគេចពី
ម៉ូតូកង់បី
ហើយរេចង្កូតទៅព្រលះនឹងជញ្ជាំងថ្មផ្ទះអ្នកស្រុកតែម្ដងបណ្ដាល
ឲ្យខូចមុខរថយន្តទាំងស្រុង និងម្ចាស់រងរបួសធ្ងន់ធ្ងរទៀតផង។
នៅ
កន្លែងកើតហេតុគេបានបញ្ជាក់ថា បុរសប្រមឹកនោះឈ្មោះ ថា
អាយុ៤៥ឆ្នាំ រស់នៅភូមិកើតហេតុខាងលើ។ សាក្សីបន្តទៀតថា
រថយន្តរបស់ជនប្រមឹកនោះជាប្រភេទរថយន្តកាមរីពណ៌ស្លាបក្អែក
ពាក់ស្លាកលេខ ប.ប ២A១៨២២
ចង្កូតស្ដាំត្រូវបានខូចខាតយ៉ាងធ្ងន់ធ្ងរ
ហើយក្រោយពេលកើតហេតុរួចតៃកុងរថយន្តខាងលើបានរត់ចោលរថយន្តតែម្ដង
។ សាក្សីបានបន្តទៀតថា
រថយន្តរបស់ជនប្រមឹកនោះត្រូវបានប៉ូលិស-ប៉េអិម
ដណ្ដើមគ្នាយកទៅចាត់ការ
តែមន្ត្រីប៉ូលិសគ្មាននរណាម្នាក់យករថយន្តបង្កហេតុនោះទៅដោះស្រាយ
តាមនីតិវិធីច្បាប់ឡើយ
បែរជាត្រូវលោកប៉េអិមអូសយកទៅបន្ទាយភ្លាមៗខណៈពេលនេះប៉េអិមរង
ចាំការចូលខ្លួនរបស់ម្ចាស់រថយន្តដើម្បីដោះស្រាយទៅតាមផ្លូវ
ច្បាប់៕