រតនៈគីរី
៖ មនុស្សម្នាក់បានស្លាប់នៅនឹងកន្លែង
និងម្នាក់ទៀតរងរបួសធ្ងន់ខណៈដែលកំពុងជិះម៉ូតូឌុបគ្នា
ក្នុងផ្លូវរង្វង់មូលត្រូវរថយន្តសាំយុង បោះពួយយ៉ាងលឿន
បុកយ៉ាងពេញទំហឹង អូសជាប់រថយន្តចំងាយប្រមាណ៥០ម៉ែត្រ
ហើយបើករថយន្តរត់បាត់ដោយសុវត្ថិភាព។
ហេតុការណ៍នេះបានកើតឡើងកាលពីវេលាម៉ោង១និង៣០នាទី យប់រំលងអាធ្រាត្រឈានចូលថ្ងៃទី២៨ ខែមិថុនា ឆ្នាំ២០១៣ត្រង់ចំណុចរង្វង់មូលមុខផ្សារបានលុងស្ថិតក្នុងភូមិជ័យជំនះ សង្កាត់ឡាបានសៀក ក្រុងបានលុង។យោងតាមរបាយការណ៍ពីផ្នែកសណ្ដាប់ធ្នាប់អធិការក្រុងបានលុង បានឲ្យដឹងថាជនរង គ្រោះ(ស្លាប់) មានឈ្មោះ ឡាច ណារុងហៅ (រ៉េន) ភេទប្រុស អាយុ៣៦ឆ្នាំ ជនជាតិខ្មែរមុខរបរជាកម្មករដឹកខ្សាច់ បើកបរម៉ូតូម៉ាកវេវ ពណ៌ក្រហមពាក់ស្លាកលេខ រតនៈគីរី 1A-0333
និងរួមដំណើរ ដោយរបុសម្នាក់ឈ្មោះសាល អាយុ២៥ឆ្នាំជនជាតិខ្មែរ
រងរបួសធ្ងន់។បុរសម្នាក់នេះទើបតែមកពីភ្នំ ពេញ
ដើម្បីរកការងារធ្វើបានមួយថ្ងៃប៉ុណ្ណោះក៏ជួបគ្រោះថ្នាក់តែម្តង។អ្នកដែលបានឃើញ ហេតុ ការណ៍ បាននិយាយថាមុនពេលកើតហេតុគេឃើញ
ជនរងគ្រោះជិះម៉ូតូយឺតៗពីត្បូងទៅជើងលុះមកដល់រង្វង់មូល
ស្រាប់តែមានរថយន្តសាំយុង
មកពីទិសខាងលិចបោះពួយយ៉ាងលឿនបុកម៉ូតូនោះពេញទំហឹងដោយអូសម៉ូតូនិង
មនុស្សចំងាយប្រហែល ២០ម៉ែត្រលើរង្វង់មូល
រួចបន្តអូសម៉ូតូទៅក្រោយចំងាយ៥០ម៉ែត្រទៀត
ទើបរថយន្តថយក្រោយដោះម៉ូតូចេញពីក្រោមរថយន្ត
ហើយបើកគេចបាត់ស្រមោលតែម្តង។ ឯមនុស្សម្នាក់ត្រូវបានរថយន្តកិន
ក្បាលបែកចេញខួរ ស្លាប់ក្នុងថ្លុកឈាមនៅនឹងកន្លែង
និងម្នាក់ទៀតខ្ទាតចេញពីម៉ូតូរងរបួសខ្នង យ៉ាងធ្ងន់ធ្ងរ។
សពជនរងគ្រោះត្រូវបានកម្លាំងសមត្ថកិច្ចចរាចរក្រុងបានលុង
បញ្ជូនទៅតម្កល់ទុកនៅវត្តភូមិថ្មី ប្រគល់ឲ្យសាច់ញាតិ
ទទួលយកទៅធ្វើបុណ្យតាមប្រពៃណី ឯម៉ូតូរក្សាទុកនៅ
ប៉ុស្តិ៍រដ្ឋបាលឡាបានសៀក៕
