ភ្នំពេញ
៖ យុវជន៣នាក់បានអះអាងប្រាប់សមត្ថកិច្ចថា
ពួកគេត្រូវបានជនមិនស្គាល់មុខជិះម៉ូតូដេញតាម
រួចដកកាំភ្លើងខ្លីវាយក្បាលបណ្ដាលឲ្យបែកនិងរងរបួស
ខណៈពេលកំពុងជិះម៉ូតូ។ហេតុការណ៍
នេះបានកើតឡើងកាលពីវេលាម៉ោង១២និង២០នាទីយប់រំលងអធ្រាត្រឈានចូល
ថ្ងៃទី២៩ ខែមិថុនា ឆ្នាំ២០១៣តាមបណ្តោយផ្លូវព្រះសីហនុ
ត្រង់ចំណុចផ្លូវកែងផ្លូវ១៤៣ ស្ថិតក្នុងសង្កាត់បឹងកេងកងទី២ ខណ្ឌចំការមន។យុវជនរងគ្រោះទាំង៣នាក់ខាងលើនេះទី១. ឈ្មោះ ង៉ែត វណ្ណធី អាយុ២២ឆ្នាំមុខរបរជាជាងសំណង់និងជាអ្នកបើកបរ បានរងរបួសធ្ងន់ ទី២.ឈ្មោះ នាក់ ទូច អាយុ២១ឆ្នាំ និងទី៣. ឈ្មោះនីអាយុ១៨ឆ្នាំមុខរបរជាជាងសំណង់ដូចគ្នាបានរងរបួសស្រាល។បើ
តាមសម្តីយុវជនឈ្មោះ នាក់ ទូច និង នី
បាននិយាយរៀបរាប់ប្រាប់សមត្ថកិច្ចថា មុនពេលកើតហេតុ
ពួកគេទាំង៣នាក់ បានជិះម៉ូតូមួយគ្រឿងម៉ាកសេ១២៥ ពណ៌ខ្មៅ
ពាក់ស្លាកលេខភ្នំពេញ 1E-2231ធ្វើដំណើរ
តាមបណ្តោយផ្លូវព្រះសីហនុ
ខណៈមកដល់កែងផ្លូវ១៤៣ស្រាប់តែលិចមុខបុរសម្នាក់មិនស្គាល់
អត្តសញ្ញាណបានជិះម៉ូតូមួយគ្រឿងម៉ាកស៊ីរូស អត់ចាំស្លាកលេខ
តាមពួកគេដល់ចំណុចកើតហេតុខាងលើ ក៏ដកកាំភ្លើងខ្លីមួយដើមម៉ាកK54ធ្វើ
សកម្មភាពវាយមកលើពួកគេបណ្តាលឲ្យរងរបួសធ្ងន់ស្រាលតែម្តង
ដោយមិនដឹងថាធ្លាប់មានរឿងរ៉ាវអីជាមួយគ្នាដែរឬយ៉ាងណានោះទេ។
បន្ទាប់ពីវាយរួច
ជនសង្ស័យនោះក៏បានជិះម៉ូតូរត់គេចខ្លួនបាត់ភ្លាមៗតែម្តង។ក្រោយ
កើតហេតុជនរងគ្រោះត្រូវរថយន្តសាមុយដឹកយកទៅសង្គ្រោះនៅមន្ទីរពេទ្យ
ចំណែកម៉ូតូត្រូវសមត្ថកិច្ចនាំយកទៅរក្សាទុកឲ្យ
នៅអធិការដ្ឋាននគរបាល ខណ្ឌចំការមន។ករណីនេះ
សមត្ថកិច្ចមូលដ្ឋានកំពុងធ្វើការស្រាវជ្រាវរកមូលហេតុដែលនាំឲ្យ
មានអំពើហិង្សានេះកើតឡើងថាផ្តើមឡើងដោយសារអ្វី៕
ប្រភព ៖ កម្ពុជាថ្មី