ព្រះសីហនុ ៖ យុវជនម្នាក់បានស្លាប់បាត់បង់ជីវិតនៅពេលគេដឹកទៅធ្វើការសង្គ្រោះបន្ទាន់នៅគ្លីនិកឯកជនសេតេ(CT) ខណៈពេលជនរងគ្រោះត្រូវជនមិនស្គាល់មុខម្នាក់បានយកដែកឆាបមុខស្រួចមកចាក់សម្លាប់កាលពីយប់រំលងអធ្រាត្រថ្ងៃទី28 ខែមិថុនា ឆ្នាំ2013 នៅក្នុងហាងការ៉ាអូខេសប្បាយៗនៅតំបន់ភូមិថ្មីស្ថិតនៅក្រុមទី8 ភូមិ3 សង្កាត់លេខ3 ក្រុងព្រះសីហនុ
ខេត្តព្រះសីហនុ។
ជនរងគ្រោះត្រូវបានគូទំនាស់យកដែកឆាបចាក់ទម្លុះចុងដង្ហើមមួយ
កន្លែង និងចាក់រយះចង្កាមួយកន្លែង។
ករណីនេះ
គេសង្ស័យថាអាចផ្ដើមឡើងដោយសារទំនាស់រឿងស្រីស្នេហ៍ហើយការស្លាប់
នេះមិនជាប់ពាក់ព័ន្ធនិងរឿងនយោបាយនោះទេ។
ក្រោយពេលកើតហេតុជនសង្ស័យជាឃាតករបានរត់គេចខ្លួនបាត់ស្រមោលមុន
ពេលក្រុមសមត្ថកិច្ចមូលដ្ឋានចុះទៅដល់ទីតាំងកើតហេតុ។
ប៉ូលិសមូលដ្ឋានបាននិយាយថា ជនរងគ្រោះមានឈ្មោះ ទ្រី ឆក ភេទប្រុស
អាយុ២៧ឆ្នាំ មានស្រុកកំណើតភូមិថ្មស ឃុំថ្មស
ស្រុកបុទុមសាគរសាគរ ខេត្តកោះកុង
ដែលបច្ចុប្បន្ននេះស្នាក់នៅភូមិ៣សង្កាត់លេខ៣ ក្រុងព្រះសីហនុ
ខេត្តព្រះសីហនុ។
មិនមានសាក្សីណាអះអាងថាបានឃើញហេតុការណ៍និងសកម្មភាពចាក់សម្លាប់
ជនរងគ្រោះខាងលើនេះទេ។
ប៉ុន្តែទោះបីជាយ៉ាងណាពេលនេះសមត្ថកិច្ចជំនាញស្នងការដ្ឋាននគរបាល
ខេត្តព្រះសីហនុកំពុងតែធ្វើការស្រាវជ្រាវដើម្បីវែកមុខជនសង្ស័យយក
មកផ្ដន្ទាទោសទៅតាមផ្លូវច្បាប់។
បច្ចុប្បន្នសពជនរងគ្រោះត្រូវបានក្រុមគ្រួសារដឹកយកទៅធ្វើបុណ្យ
តាមប្រពៃណីហើយផងដែរ៕