ភ្នំពេញ
៖ ម្តាយ និង
កូនប្រុស២នាក់ដែលជាប់ពាក់ព័ន្ធនឹងការចោទប្រកាន់ថាបានប្រើ
ហិង្សាលើប្រពន្ធចុង និង
ប្រើអាវុធភ្ជង់គំរាមរកសម្លាប់ឪពុកបានត្រូវចៅក្រមស៊ើបសួរ
សាលាដំបូងរាជធានីភ្នំពេញសម្រេចកាលពីរសៀលថ្ងៃទី២៧ ខែមិថុនា
ឆ្នាំ២០១៣ មិនឃុំខ្លួន
តែដាក់ឲ្យស្ថិតក្រោមការត្រួតពិនិត្យតាមផ្លូវតុលាការ។
យោង
តាមចម្លើយនេះសបញ្ជាក់ឲ្យឃើញថា
ជនត្រូវចោទមិនបានដណ្តើមកាំភ្លើងយកទៅ
ភ្ជង់ក្នុងបំណងបាញ់សម្លាប់ឪពុកដូចការចោទប្រកាន់នេះទេ
ហើយជាពេសេសកូនប្រុសទាំង២ កំពុងជាប់រៀនសូត្រថែមទៀតផង។
ជនត្រូវចោទទាំង៣នាក់នេះមានឈ្មោះ ចាន់ សុភា ភេទស្រី អាយុ៤០ឆ្នាំ
និង កូនប្រុសឈ្មោះ គួយ សុខឃុន អាយុ១៦ឆ្នាំ បានត្រូវលោកស្រី ស៊ី
វណ្ណី ព្រះរាជអាជ្ញារងចោទប្រកាន់ពីបទហិង្សាដោយចេតនា។
ចំណែកកូនប្រុសម្នាក់ទៀតឈ្មោះ គួយ សុខខេង អាយុ១៨ឆ្នាំ
បានត្រុវចោទប្រកាន់ពីបទ ប៉ុនប៉ងឃាតកម្ម
រួចបញ្ជូនសំណុំរឿងទៅឲ្យចៅក្រមស៊ើបសួរដើម្បីចាត់ការបន្ត
តាមច្បាប់។អង្គហេតុដែលនាំឲ្យមានការចោទប្រកាន់នេះបានកើតឡើងកាលពីយ់បថ្ងៃទី២៣ ខែមិថុនា ឆ្នាំ២០១៣ នៅមុខផ្ទះលេខ១៨A ផ្លូវ
បេតុង ភូមិបន្លាស្អិត សង្កាត់ឃ្មួញ ខណ្ឌសែនសុខ
ក្នុងខណៈពេលដែលឈ្មោះ គួយ សុខា ភេទប្រុស អាយុ៤៥ឆ្នាំ
ជាប៉ូលិសប៉ុស្តិ៍សង្កាត់ឃ្មួញត្រូវជាប្តី និង
ឪពុករបស់ជនត្រូវចោទបានដឹកប្រពន្ធក្រោយធ្វើដំណើរតាមផ្លូវក៏ប្រទះ
នឹងប្រពន្ធដើម និង កូនប្រុស២នាក់ ស្ទាក់ព្រួតវាយប្រពន្ធ
ក្រោយដេកដួលលើដី។ ភ្លាមនោះកូនប្រុសទាំង២នាក់
បានស្ទុះមកដណ្តើមកាំភ្លើងខ្លីK59 ដែល
សៀតនៅចង្កេះយកមកអាម៉េបញ្ចូលគ្រាប់
តែគ្រាប់ចូលមកស៊ុហ្វបាញ់មិនផ្ទុះ
ហើយបុរសជាឪពុកក៏បានទាក់ទងឲ្យប៉ូលិសជួយអន្តរាគមន៍ឃាត់ខ្លួនពួកគេ
ទាំង៣នាក់តែម្តង។នៅ
ចំពោះមុខសមត្ថកិច្ចឈ្មោះ ចាន់ សុភា បានបញ្ជាក់ថា
ខ្លួនពិតជាបានវាយតប់លើស្ត្រីជាប្រពន្ធក្រោយមែន
តែបុរសជាប្តីបានដកកាំភ្លើងខ្លីម៉ាក K59 ពី
ចង្កេះភ្ជង់មកលើរូបគាត់
ទើបកូនប្រុសស្ទុះមកចាប់ក្រៀកដកយកកាំភ្លើងចេញ។
ដោយឡែកពាក្យបណ្តឹងរបស់ប្រពន្ធដើមឈ្មោះ ចាន់ សុផា
ដែលបានប្តឹងប្តីឈ្មោះ គួយ សុខា កាលពីឆ្នាំ២០១២ កន្លងទៅពីបទ
លួចលាក់មានស្រី ជេរប្រមាថ និង គំរាមសម្លាប់
នៅសមត្ថកិច្ចប៉ូលិសពុំទាន់ឃើញមានចំណាត់ការណាមួយនៅឡើយទេ។ក្នុង
ពាក្យបណ្តឹងបានបញ្ជាក់ថាឈ្មោះ គួយ សុខា បានលួចលាក់មានស្រី និង
បានរួមរស់ ជាមួយនាងដោយចោលនាងជាប្រពន្ធ និង កូនៗ៤នាក់
ហើយបានជេរប្រមាថបង្កជម្លោះវាយតប់ និង កូនៗឥតល្ហែ
ហើយធ្លាប់ដកកាំភ្លើងភ្ជង់គំរាមសម្លាប់ចោល និង
បំផ្លាញទ្រព្យសម្បត្តិក្នុងផ្ទះអស់ ជាច្រើនលើកមកហើយ៕